村屋上網速度一直都係好多人關心既問題，現今有一部分既村屋例如元朗錦田錦上路開始有光纖入屋，最高可以達到1000MB既速度。不過亦都有大部分既村屋只可以用電話線上網，得8MB既速度。如果想上網快啲可以選擇購買4G SIM卡ROUTER代替傳統上網，不過最好要選擇無限上網PLAN以防會用爆數據，而且需要諮詢電訊商既覆蓋範圍，以免買左個PLAN而用唔到。
網絡覆蓋
首先，可以先查清楚村屋既範圍有冇網絡覆蓋，例如元朗錦田錦上路村屋為例，離市中心有一段距離既村屋只有6MB，8MB，30MB選擇，比較好彩的話都有100MB提供。不過因為近年開始有光纖入屋，住村屋都可以有多一間上網公司選擇，但需要咨詢上網公司是否需要拉線入屋。
以下網址可以查詢網絡覆蓋:
HKT: https://www.hkt.com/ HKBN: https://www.hkbn.net/
4G網絡變家居網絡
如果你住係偏遠既村屋又無100MB上網，只可以焗住要裝幾百蚊月費又慢既上網，與其又要俾幾百蚊既安裝費，不如使用4G網絡加個4G ROUTER或者手機share WIFI仲抵玩。
免費試玩方案
將4G網絡變家居網絡嘅好處係，唔使合約唔使安裝費，可以先試玩，玩過啱玩再慢慢升級──因為必要裝備就只係智能手機同網絡數據。用法好簡單，只要開啟電話嘅個人熱點功能，再將要上網嘅既裝置接駁到電話分享出嚟既Wi-Fi，就有得試玩。iPhone用戶係設定度打開個人熱點就得，Android都有呢個功能，不過就要睇手機型號嚟設定。
月費低至100蚊唔
可以先去鴨寮街買張4G儲值卡返嚟試。唔好以為4G卡一定貴，其實有啲98蚊已經有30日4G用量，鴨記買往往仲有得平。嚟到呢個階段，就係試下「公平用量」夠唔夠用，若果唔係日煲晚煲劇集、BT，一般上網睇吓嘢，數據用量唔會太大嘅。不過邊個plan平，幾時有平plan，就要隨時開格價精明眼喇。呢個方法只係試玩版，好用都唔好長用。
插Sim卡Router 24天候WiFi
用電話分享WiFi，有個唔好處係電話要跟身，你出咗街屋企人就無得上網。解決方法有4個，最簡單就係： 1)用舊電話長時間分享網絡(今時今日好多人都有幾部電話啦！) 2)買個WIFI蛋 (行動Wi-Fi分享器) 3)買部可以插sim卡嘅 router，再由Router將4G分享成WiFi。可插sim卡嘅 router一般都唔貴，淘寶好多百零蚊嘅 4) 如你本身已經有router，而且個router支援 4G USB，價錢仲可以平啲，只要買一隻4G手指插入個USB router就搞掂
不過要留意Router既無線速度同覆蓋既範圍，如果router用唔盡上網plan既速度，咁買咗返嚟用唔盡個上網速度都無意思。
家用無限數據 SIM 卡計畫
如果你係鴨寮街買既4G儲值卡信號收得好既話而上網速度又滿意既話，可以去流動網絡供應商查詢月費計劃。價錢由＄138 – $418 不等 (視乎合約長度，公司月費計畫，本地數據用量而決定)。現今大部分流動網絡供應都有提供無限數據服務，但千萬要留意以及問清楚超過某個用量是否會限制速度。一般合約長度會有12個月和24個月，雖然價格睇落好貴，其實長遠使用的話每月嘅平均成本同固網寬頻差唔多，不過上網速度一定可以大大改善。